САРНАЙХДАА төрсөн өдрийн мэнд хүргэе

Банжиг хэмээс кибэр ертөнцийн хаалгыг зөвшөөрөлгүйгээр аяархан татаж орж ирсэнээс хойш нэлээдгүй хугацаа өнгөрчээ. Би блогчин биш л дээ гэхдээ надад та нарийнхаа бичлэгийг уншаад шүтээд, уйлж, дуулж бас ухааран ухааран суух аз жаргал билээ.  Хүний газар гүний хошуунд байгаа надад орон зай цаг хугацааг харгалзан хайртай хүмүүстэй минь хамт байгаа мэт сэтгэгдэл төрүүлж би аз жаргалтай сайхан байнаа. Гунигийг минь үргээдэгт чинь, гутралийг минь тайлдагт чинь, баяр баяслыг бэлэглэдэгт чинь, ухаарал өгдөгт чинь өчүүхэн би баярлаж та нарыгаа дэмжиж явдаг жирийн нэгэн сэтгэгдэлчин буюу "сээгийчин" хүнээ би.   Үнэнч фээн чин юмаа би

Болжморын гэрт нисч ороод гарахдаа би ухаардаг, уйлдаг, гэгэлздэг бас болоогүй цавчилддаг хүн

Нинигийн гэрээр уригдахдаа би аз жаргалыг бас агуу хайрыг мэдрээд гардаг

Аморийн гэрт очихдоо би гансарсан сэтгэлээ тайлаад хамтдаа шар айраг хувааж уугаад гардаг

Алтарганыд зочлохдоо ажилдаа ядраад гээд зовлон тоочилгүй анх ирээд одоо ч ажилчин байгаагаараа бахархаад гардаг

Блогтойхүнийд цайлуулахдаа алаг үрстэй н зэрэгцээд эрхлээд, дандаа л хаашаа ч яваагүй халуун дулаан гэртээ байдаг

Унжигар гошуутай дүү дээрээ айлчлахдаа аливаад нас багаддаггүй гээд л эмээгийн маань хэлдэг санагдаад ухааран ухааран гардаг

Анараагийнхаа гэрээр хааяа нэг ороод гарахдаа өөртөө итгэлтэй өөдрөг бодолд автаад гараад явдаг хүн дээ би...

Та нартаа үргэлж аз жаргалтай сайхан амьдарч, амьдралын нугачаанд бүдрэлгүй, өнөөдрийнх шигээ орон зайг үл харгалзан үүрд найзалж, үзэг тань хурц байх болтугай гэж ерөөж байнаа. Найз нь үргэлж уншигч хэвээрээ байж та нараараа явсан газар бүртээ бахархаж байх болноо кибэр найзууд минь.

Би та нарын үнэнч фээн...Оюунаа