Бүсгүй минь чи инээмсэглэж яваарай

Хорвоо дэлхий байгаль ээжээр дутаж хүний орчлонгийн бид хүйн холбоот ээжээрээ дутаж амьдардаг энэхэн хорвоод ээж хэмээх эрхэм сайхан алдрыг хүртсэн, хүртэх гэж буй сайхан бүсгүйчүүддээ энэ хорвоогийн хамгийн сайхан бүхнийг хүсэн ерөөе.

Бүсгүй хүн болж ээж хэмээх эрхэм алдрыг хүртэхдээ бид хэзээ ч ээжээсээ илүү ээж байж чадахгүйгээ мэдэрдэг юм билээ...

Ээж минь намайг өсгөхдөө залуу сайхан насныхаа илч бүхнийг өгч, сүүдэргүй өдрийн хирийг ч нартай мэт харагдуулж чаддаг бурхан минь билээ..тиймээ ээж хэмээх эрхэм хүний өмнө би сөгдөн мөргөмүү

Аз жаргалтай байхдаа ч зовлон зүдгүүрийг амсахдаа ч нялх жаахан үрээ л гэдэг ижийн минь сэтгэл агуу болохоор би аз жаргалтай...тиймээ дэндүү аз жаргалтай явдаг

Энэ хорвоогийн аз жаргал бүхнийг ээж нартаа, бүсгүйчүүд та нартаа, бяцхан охиддоо хүсье, инээд хөөр баяр баясал бүхнээр үргэлж бялхаж яваарай.

Ижийгээ сэтгэлдээн шүтэж, ижийгээрээ л амьсгалж яваагаа би азтайд тооцдог..ээж минь та урт насалж удаан жаргаарай, охин нь тандаа маш их хайртай

Хорвоогийн сайхан бүсгүйчүүддээ банжигийн хөөрхөн хүүхнүүддээ тэднийхээ бяцхан охидод аз жаргал сайн сайхан бүхнийг хүсье

Та нартаа хайртай шүү

Oyuna нь

Банжиг бүлэгт нэгдээд овоо ч удаж бас болоогүй хөгшин гэж дуудагдаад ялгаварлан гадуурхагдсан, эндээс олсон хэдэн сайхан найзуудын минь нэг нь хөөрхөн бүсгүй чамдаа төрсөн өдрийн гал халуун баярын мэндийг хүргье.

Миний хонгор найз чинь жинхэнэ Монголжингоо юм байгаашд, сайхан ч ээж, сайн ч хань чамдаа бид нар нь хайртай шүү..

Түрүүн Болжмор маань ярихдаа янаг бүсгүйдээ төрсөн өдрийн мэндийг хүргээд удахгүй уулзах уулзалтыг хүлээж байгаа хэмээн дамжуулсан шүү

Сүүлийн үед ажил амьдралын жамаар уулзаж таарахдаа цөөрөөд байгаа ч сэтгэлдээ чамтайгаа үргэлж хамтдаа, чамтайгаа чинийхээ амжилт аз жаргалыг хуваалцах хонгор найзууд нь дэлхийгээр дүүрэн байгаа шүү дээ..

Хөөрхөн алаг нүдэн бүсгүйдээ төрсөн өдрийн мэндийг мянга мянган улаан сарнайтай, бөөн бөөн үнсэлттэй илгээе дээ, миний сайхан найз үргэлж цоглог хэвээрээ байгаа гэдэгт найзууд нь итгэлтэй байна..

....цэцэг алгалсан баярын ширээнд

.....цоморлиг болон бид суулаа

......төрсөн өдрийн халуун мэндийг

.......төө зайгүй чамдаа хүргье....

Ханьтайгаа, хөөрхөн охинтойгоо баяраа сайхан тэмдэглээрэй

Хайр гэдэг агуу зүйл. Хэн ч надтай маргахгүй биз. Хайрын төрөл зүйл маш олон. Хэлүүлүүлтгүй бүгд мэдэж байгаа гэдэгт итгэнэ. Асан бадарч мөнхөд дүрэлзэх хайр гэж байхад агшин төдийд мэдрэх эс мэдрэхүйн хооронд төрөх хайр гэж байх.
Хорвоод хүмүүн хэмээх биеийг олон мэндэлсэн өдрөөс эхлэн хайрын ямар нэгэн хэлбэрийг янзан бүрийн байдлаар хүлээн авахын зэрэгцээ хүмүүст хүргэж эхэлдэг байх. Насан туршдаа хүн хайраар л тэжээгддэг гэж би боддог.
Оршилоо өгүүлсэний дараагаар орон зайнаас тэртээх нэгэн оны тэр нэгэн өдөр амаар бус бичгээр анд найз бололцсон өдрөө эргэн дурсахад таатай байна.
Дэлхийн өнцөг булан бүрээс нэтийн нэгэн өрөөнд цугларан маш олон сэдвээр ярилцаж итэгэл сэтгэл, оюун ухаан, олон хайрын тухай бид хөөрөлдсөн. Тиймээ, тэр үеэс л олж авсан найзын хайр. Үргэлжлэн бүүр хүрээгээ тэлсэн хайрууд хаа сайгүй байгаа. Замын дундаас зайгаа аван замхарсан хайр ч бий. Нэгэн гэр бүл бүүр бусдад үл ойлгогдох хайрын хэлхээс болтлоо нэгнээ олжээ бид.
Хайрт найз Нинихэн мээн чамайг олж өгсөн Банжиг болон Болжмортоо баярлаж явдаг. Дутагдах хайрын төлөөс дурсагдах хайрын төрөл мээн.

Наран мандаж саран гийж л байгаа хойно хэзээ нэгэн цагт гар гараа барилцан мөр мөрөөрөө тэврэлдэн хошуу хошуугаараа холбогдон зүрх зүрхээрээ нийлэх тэр өдрийг тэсэн ядан хүлээнэ. Нүүр тулан уулзалдаагүй ч нэгнээ хэдийнээ мэддэг бүүр дүр зургаа хардаг найз мээн. Сэтгэл хэмээх тэр нэгэн орон зайны талбарт хэдийнээ өөрийнхөө байрыг эзлэн суусан хайр мээн.
Чамдаа хорвоогийн хамаг нандин бүхнийг бэлэглэе! Чамдаа хайрын үнэн болгоныг хүсэн ерөөе! Чамдаа цаглашгүй аз жаргал, эрүүл энхийг хүснэ.
     

Ногоон торгон дээлт мээн. Даараагүй бээз! Сайн дулаалаарай. Ханиад хүрэв дээ.

Амьдрал, Хайр, Аз жаргалыг алган дээрээ тавьчихаад явж байдаг сайхнаас сайхан  найз чамдаа ТӨРСӨН ӨДРИЙН халуун мэндийг хүргьяааааа.

Бүхэл бүтэн нэг жилийн хугацаанд зөвхөн онлайнаар уулзалдаж, онлайн инээлдэж, уяаралдаж, уйлахдаа ч уйлж, дуулахдаа ч дуулж, онлайн ууж, онлайн тулгаж, жаргаж зовсон бүх л цаг үед  миний хажууд байж дотноос дотно найзын минь нэг  яах аргагүй чи минь болсон юм шүү дээ.

За байз анх юунаас эхэллээ. Сайн санахгүй байна. Бодуул сээгийнээс эхлээд л сэтгэл алдааз тэ хэхэ.Тойм явнаа...

Дараа нь Авыг энд ирэхэд аймаар гаршраах "А" төлөвлөгөө. Гашуун үрэл, гудамжинд төөрүүлэх нтр гээл уг нь их гоёым байсымаа. Даанч муу "хад" эгч хи хи хи...

Инага амрага Амортой гуруулаа яалаа хаха. Нэгэн сартай саруулхан шөнө нээх их яагаагүй юү. Санжаагааз дээ.

Бас бядны нөгөө яриад байдаг гоё кафе байна. Хэд хоног сэтгэл хөдлөөд тэндээ нилээн хэд хоносон байхаа хэдүүлээ тэ. Хэрэгжүүлнээ тэрийгээ хэзээ нэгэн цагт.

За тэгээл үе үе болдог "хэвлэлийн бага" хурлууд гээл бичээ байвал барагдахгүйн байна.

Ямартаа ч энэ цөвүүн цагт  хүний сайхан сэтгэлийг оргиор нь хадгалж үлдсэн хайртай чамаараа бахархаад баршгүйнээ.

Уг нь энэ блогын админ эрх нь байдаг ч дэндүү ариун нандин газар болохоор бичлэг хийх зүрх хүрдэггүй яваад байдаг байсын. Ажил алба эхлэхээс өмнө амьтан хүн бужигнахаас түрүүнд албан тушаал эрх мэдлээ ашиглаад бичээ хаялаа базарваань.

Аа тийн энэ завшааныг ашиглаад эмэгийх нь төрсөн өдрөөр Чаачыг нэг үнсчий байз. Эгч дүү энхрий хайртууд нь битий дайраа байгаарай. Билэг дэмбэрэлтэй сайхан өдөр байна энэ чэн. хи хи

За тэгээд миний найз АЗ ЖАРГАЛ ИНЭЭД ХӨӨРӨӨР БЯЛХАЖ ЯВААРАЙ.

Хайртаймшд. Үнсий.

С хайр чэн. хэхэ

Хайртай дүүдээ төрсөн өдрийн мэнд хүргэе.

Энэ хорвоогийн хамгийн сайн сайхан бүхнийг хүсье.

Энэ мэндчилгээний уянгын хэсгийг Болжко маань бичнэ. Яааг одоо тун яаралтай ажил гараад цагтаа амжихгүй болсон тул би мэндчилгээг төлөөлөн хүргэж байна. Энэ блогийн гишүүдийн өмнөөс.

Урт насалж удаан жаргаарай. Үнжийй. Үргэлжид баяр хөөртэй аз жаргалтай инээмсэглэж яваарай.

Хайртай найздаа төрсөн өдрийн мэнд хүргэж энэ хорвоогийн хамгийн сайн сайхныг хүсье. Өчигдөр төрсөн өдрийнхөө баярыг хамтдаа хуваалцсан чамдаа зөндөө баярласан шүү найзууд нь. Ууг нь хоногийн 24 цагаас илүү хугацаа байсансан бол чамайг нээг их сайхан дуулуулахгүй юу. Даанч цаг хугацаа их богинохон юм аа тэ. Сайхан дуулжаагаа хүмүүсийг сонсоол суугаад байх надад их таалагддиймаа. Бас нэг хүн дараа уулзахаараа дуулж өгөх байхаа.